<p><strong>जळगाव - Jalgaon - प्रतिनिधी :</strong></p><p>जिल्ह्यात शुक्रवारी करोनाचे 42 नवे रुग्ण आढळून आले असून एकूण करोनाबाधितांची संख्या 56 हजार 225 एवढी झाली आहे. </p>.<p>दिवसभरात दोन बाधितांचा मृत्यू झालेला आहे. दुसरीकडे 40 रूग्ण कोरोनामुक्त झाले आहे.अमळनेर, चोपडा, भडगांव, धरणगांव, एरंडोल, रावेर, पारोळा, चाळीसगांव, आणि बोदवड अशा 9 तालुक्यांसह इतर जिल्हयातील एकही रुग्ण आढळून आलेला नाही.</p><p>जिल्ह्यात आतापर्यंत 54 हजार 396 जणांनी कोरोनावर मात केली आहे. तर दुसरीकडे आतापर्यंत 1 हजार 336 एवढ्या बाधित रुग्णांचा मृत्यू झाला आहे.</p>.<p>जिल्ह्यात नव्याने आढळलेल्या रुग्णांमध्ये जळगाव शहर 29,भुसावळ 3, पाचोरा 2, यावल 2, जामनेर 2, मुक्ताईनगर 1, असे एकूण 42 नवे रुग्ण आढळून आले आहेत.</p><p>शुक्रवारी दिवभरात भुसावळ तालुक्यातील एका रूग्णाचा मृत्यू उल्हास पाटील वैद्यकिय महाविद्यालय रूग्णालय व चोपडा तालुक्यातील एक अशा दोन बाधितांचा मृत्यू झाला आहे. अशी माहिती जिल्हा रुग्णालयाचे शल्य चिकित्सक डॉ. नागोराव चव्हाण यांनी दिली आहे.</p>
