<p><strong>जळगाव - Jalgaon - प्रतिनिधी :</strong></p><p>जिल्ह्यात आज 7 जानेवारी रोजी करोनाचे 59 नवे रुग्ण आढळून आले असून एकूण करोनाबाधितांची संख्या 56 हजार 183 एवढी झाली आहे. </p>.<p>दिवसभरात एका बाधिताचा मृत्यू झालेला आहे. दुसरीकडे 39 जण कोरोनामुक्त झाले आहे . जळगाव ग्रामीण, यावल, एरंडोल, जामनेर, रावेर, चाळीसगाव, मुक्ताईनगर आणि बोदवड या तालुक्यांमध्ये एकही रुग्ण आढळून आलेला नाही.</p><p>जिल्ह्यात आतापर्यंत 54 हजार 356 जणांनी कोरोनावर मात केली आहे . तर दुसरीकडे आतापर्यंत 1 हजार 334 एवढ्या बाधित रुग्णांचा मृत्यू झाला आहे.</p>.<p>जिल्ह्यात नव्याने आढळलेल्या रुग्णांमध्ये जळगाव शहर 16,भुसावळ 6, अमळनेर 4, चोपडा 15, पाचोरा 2, भडगाव 1,धरणगाव 1, पारोळा 13 व इतर जिल्ह्यातील एक असे एकूण 59 नवे रुग्ण आढळून आले आहेत.</p><p>गुरूवारी दिवभरात चाळीसगाव तालुक्यातील एका बाधिताचा मृत्यू झाला आहे. अशी माहिती जिल्हा रुग्णालयाचे शल्य चिकित्सक डॉ. नागोराव चव्हाण यांनी दिली आहे.</p>
