<p><strong>जळगाव - Jalgaon - प्रतिनिधी :</strong></p><p>जिल्ह्यात कोरोनाबाधितांच्या रुग्ण कमी अधिक प्रमाणात आढळून येत आहे. सोमवारी आज दिवसभरात करोनाचे 61 नवे बाधित रुग्ण आढळून आले असून 34 जण करोनामुक्त झाले आहे. त्यामुळे बाधितांचा आकडा हा 56 हजार 39 इतका झाल्याने जिल्ह्यातील बाधितांनी 56 हजारांचा टप्पा पार केला आहे. </p>.<p>जिल्ह्यात आज 4 जानेवारी रोजी कोरोनाचे 61 नवे रुग्ण आढळून आले असून एकूण कोरोनाबाधितांची संख्या 56 हजार 39 एवढी झाली आहे. </p><p>दिवसभरात एकाही बाधिताचा मृत्यू झालेला नाही. दुसरीकडे 34 जण कोरोनामुक्त झाले आहे. सोमवारी दिवसभरात जळगाव शहरात सर्वाधिक 29 करोनाबाधित रुग्ण आढळून आले आहे. </p>.<p>तर जळगाव ग्रामीण, पाचोरा, भडगाव, धरणगाव, एरंडोल, मुक्ताईनगर ,बोदवड या तालुक्यांमध्ये एकही रुग्ण आढळून आलेला नाही. </p><p>जिल्ह्यात आतापर्यंत 54 हजार 244 जणांनी कोरोनावर मात केली आहे . तर दुसरीकडे आतापर्यंत 1 हजार 329 एवढ्या बाधित रुग्णांचा मृत्यू झाला आहे.</p><p>जिल्ह्यात नव्याने आढळलेल्या रुग्णांमध्ये जळगाव शहर 29, भुसावळ 10, अमळनेर 2, चोपडा 12, यावल 3, जामनेर 1, रावेर 1, पारोळा 2, चाळीसगाव 1 असे एकूण 61 नवे रुग्ण आढळून आले आहेत. अशी माहिती जिल्हा रुग्णालयाचे शल्य चिकित्सक डॉ. नागोराव चव्हाण यांनी दिली आहे.</p>
