<p><strong>जळगाव - Jalgaon - प्रतिनिधी :</strong></p><p>जिल्ह्यात नव्याने आढळून येणार्या करोनाबाधितांच्या संख्येत कमालीची वाढ झाली आहे. </p>.<p>करोनाने आज 50 चा आकडा पार केला असून जिल्ह्यात नव्याने 71 कोरोनाबाधित रुग्ण आढळून आले आहेत. </p><p>एकूण करोनाबाधितांची संख्या 55 हजार 562 एवढी झाली आहे. सर्वाधिक रुग्ण 23 हे जळगाव शहरात आढळून आले आहेत.</p>.<p>गेल्या काही महिन्यांपासून नव्याने आढळून येणार्या करोनाबाधितांची संख्या कमी झाली होती. मात्र पुन्हा कोरोनाचा कहर सुरु झाला आहे. </p><p>गुरुवारी दिवसभरात कोरोनाचे 71 नवे रुग्ण आढळून आले आहे. तसेच 37 जण कोरोनामुक्त झाले असून दिवसभरात एकाही बाधिताचा मृत्यू झालेला नाही. </p><p>जिल्ह्यात बाधितांच्या संख्येत घट झाल्याने नागरिकांना दिलासा मिळाला होता. परंतु गुरुवारी कोरोनाने पुन्हा डोकेवर काढले असून नागरिकांच्या चिंतेत भर पडली आहे. </p><p>जिल्ह्यात आतापर्यंत 53 हजार 824 जणांनी कोरोनावर मात केली आहे . तर दुसरीकडे आतापर्यंत 1 हजार 319 एवढ्या बाधित रुग्णांचा मृत्यू झाला आहे.</p>.<p><strong>असे आढळले रुग्ण</strong></p><p>जळगाव शहर 23, जळगाव ग्रामीण 2, भुसावळ 11, अमळनेर 7, चोपडा 4, पाचोरा 1, धरणगाव 1, यावल 5, एरंडोल 1 जामनेर 2, रावेर 5, पारोळा 2, चाळीसगाव 7 असे एकूण 71 रुग्ण आढळून आले आहेत.</p>
