<p><strong>जळगाव - Jalgaon - प्रतिनिधी :</strong></p><p>गेल्या काही महिन्यांपासून जिल्ह्यात कोरोनाबाधितांची संख्या कमी झाली होती. मात्र पुन्हा करोनाचा कहर सुरु झाला असून आज दिवसभरात करोनाचे 46 नवे रुग्ण आढळून आले आहे. </p>.<p>त्यामुळे करोनाची पुन्हा पन्नाशीकडे वाटचाल सुरु झाली आहे. तसेच सोमवारी 36 जणांना डिस्चार्ज दिला असून दोन जणांचा मृत्यू झाला आहे.</p><p>जिल्ह्यात बाधितांची संख्येत घट झाल्याने नारिकांना दिलासा मिळाला होता. परंतु सोमवारी कोरोनाने पुन्हा डोकेवर काढण्यास सुरुवात केली आहे. </p>.<p>सोमवारी दिवसभरात जिल्हाभरात करोनाचे 46 नवे रुग्ण आढळून आले आहेत. त्यामुळे जिल्ह्यातील बाधितांचा आकडा हा 55 हजार 401 इतका झाला असून 36 जणांनी करोनावर यशस्वीरित्या मात केली.</p><p>आतापर्यंत 53 हजार 721 जणांना घरी पाठविण्यात आले आहे. तसेच आज दोन जणांचा मृत्यू झाल्याने मृतांची संख्या ही 1 हजार 319 इतका झाला आहे.</p><p><strong>असे आढळले रुग्ण</strong></p><p>जिल्ह्यातील जळगाव शहर 21, भुसावळ 6, चोपडा 5, पाचोरा 2, पारोळा 3, रावेर 2 यासह धरणगाव, यावल, एरंडोल, जामनेर या ठिकाणी प्रत्येकी एक रुग्ण आढळून आला आहे.</p>
