<p><strong>जळगाव - Jalgaon :</strong></p><p>जळगावहून वाकोद कडे जात असलेल्या बोलेरोला समोरून येणाऱ्या ट्रकने धडक दिल्याने या अपघातात जागीच दोन जण ठार झाल्याची घटना शनिवारी रात्री साडेनऊ वाजेच्या सुमारास उमाळा गावाजवळ घडली. </p>.<p>मयतामध्ये सात वर्षीय बालिकेचा समावेश आहे. नम्रता रामेश्वर चौधरी वय ७ वर्ष व डिगंबर रामराव भोसले वय ४० दोन्ही रा वाकोद ता. जामनेर अशी मयतांची नावे आहेत. या अपघातात रामेश्वर रामदास चौधरी (३२) व अर्चना रामेश्वर चौधरी (३०, सर्व रा.वाकोद, ता.जामनेर) हे गंभीर जखमी झाले आहेत.</p><p>सूत्रांनी दिलेल्या माहितीनुसार, रामेश्वर चौधरी कामानिमित्त पत्नी अर्चना, मुलगी नम्रता व मित्र डिगंबर चौधरी असे चारचाकीने (क्र.एम.एच.१९ बी.यु.३९१८) आले होते. </p>.<p>रात्री सर्व कामे आटोपल्यानंतर ९ वाजता ते वाकोद येथे जात होते. उमाळा घाटात वळणावर समोरुन येणारी मालवाहू चारचाकी (क्र.एम.एच.४१ ए.यु.१८०७) जोरदार चौधरी यांच्या गाडीवर आदळली. त्यात डिगंबर भोसले व चिमुकली नम्रता हे दोघं जागीच गतप्राण झाले.</p><p>अपघात इतका भीषण होता चारचाकीचा चुराडा झाला. भोसले हे वाहन चालक होते, मात्र आज चौधरी वाहन चालवत होते. </p><p>घटनेची माहिती मिळाल्यानंतर एमआयडीसी पोलीस ठाण्याचे उपनिरीक्षक रामकृष्ण पाटील , गणेश शिरसाळे, सचिन पाटील व सहकाऱ्यांनी घटनास्थळी धाव घेऊन मृत व जखमींना जिल्हा रुग्णालयात हलविले. रात्री उशिरापर्यंत एमआयडीसी पोलिसांची कारवाई सुरू होती.</p>
