<p><strong>जळगाव - Jalgaon - प्रतिनिधी :</strong></p><p>जिल्हा नोकरांची सहकारी संस्था अर्थात ग.स सोसायटीच्या सत्ताधारी 5 व विरोधातील 9 अशा 14 संचालकांनी राजीनामे दिल्यानंतर ग.स.चे संचालक मंडळ अल्पमतात आले होते. </p>.<p>त्यामुळे आज 2 फेब्रुवारी रोजी ग. स सोसायटीवर प्रशासक बसविण्याचे आदेश पारीत झाले आहे. प्रशासक म्हणून व्ही.एम.गवळी, प्रशांत विरकर, व भाऊसाहेब महाले हे उद्या दि. 3 रोजी सकाळी 10 वाजता मुख्य कार्यालयात पदभार घेणार आहे.</p><p>ग.स.सोसायटीत विद्यमान अध्यक्ष मनोज पाटील यांच्यावर मनमानी कारभाराचा आरोप करत सत्ताधारी लोकसहकार गटाचे अध्यक्ष विलास नेरकर,उपाध्यक्ष सुनिल पाटील यांच्यासह पाच संचालकांनी व सहकार गटातील 9 संचालकांनी गेल्या आठवड्यातच राजीनामे दिले होते. </p>.<p>तसेच जिल्हा उपनिंबधकांकडे गस सोसायटी अल्पमतात आली असल्याने प्रशासक नेमण्याची मागणी देखील केली होती.</p><p>त्यानुसार आज जिल्हा उपनिबंधकांनी गस सोसायटीवर तीन अधिकार्यांची प्रशासक म्हणून नेमणूक केली असुन हे प्रशासक दि.3 रोजी सकाळी 10.30 वाजता मुख्य कार्यालयात पदभार घेणार असल्याचे विश्वसनीय वृत्त आहे.</p>.<p><strong>सहकारच्या निवडणूका होणार</strong></p><p>दुसरीकडे शासनाच्या सहकार व पणन विभागाकडून सहकारी संस्थांच्या निवडणूका घेण्याची कार्यवाही सुरू करण्याचे आदेश आज मंगळवार, 2 रोजी देण्यात आले आहे. सहकारी संस्थाना 31 मार्च पर्यंत</p><p>मुदतवाढ देण्यात आली होती. मात्र मात्र मुदतवाढीचे 16 जानेवारीचे आदेश रद्द करण्यात आले असून निवडणूका घेण्याचा मार्ग मोकळा झाला आहे.</p>
