<p><strong>जळगाव - Jalgaon</strong></p><p>मुंबई-आग्रा महामार्ग क्र. ६ वरील दूरदर्शन टॉवरजवळ आज सकाळी ६.४५ वाजेच्या दरम्यान भरलेला गॅस टँकर व ट्रकचा मोठा अपघात झाला.</p>.<p>जळगाव-भुसावळ दरम्यान दूरदर्शन टॉवरजवळ हा अपघात घडला. नागपूरहून जळगाव कडे येणाऱ्या ट्रक (आयशर) क्र. एम.एच.१८-बी.एच.५३५५ ला इंण्डेन गॅसने भरलेल्या ट्रँकर क्र. एम.एच.१८ बी.जी.१५२५ ने जोरधार डडक दिल्याने हा अपघात घडला.</p>.<p>अपघात येवढा भयानक होता की, भरलेला गॅस टँकरचे सर्व चाके निखळून महामार्गावर इतरत्र पसरली.</p>.<p>एवढेच नव्हे तर त्या टँकरची डिझेल टाकी फुटून त्यातील संर्व डिझेल महामार्गावर लांब पर्यंत पसरले.</p>.<p>गॅस टँकरने पलट्या घेऊन महामार्गाच्या कडेला फेकले गेले.</p>.<p>सुदैवाने यावेळी रस्त्याच्या बाजूने कोणतेही वाहन नसल्याने मोठा अनर्थ टळला.</p>.<p>अन्यथा याखाली कोणतेही वाहन दाबले गेले असते. महामार्गावर लांब पर्यंत पसरलेले डिझेल व भरलेला गॅस टँकर असल्याने अपघातात आग लागली असती तर मोठी दुर्घटना घडली असती.</p><p>धुळ्याकडे जाणाऱ्या ट्रकचा चालक बचावला असला तरी त्याच्या दोघं पायांना मोठी दुखापत झाल्याचे दिसून आले.</p><p>गॅस टँकर चालक अपघात घडताच तेथून फरार झाला. यावेळी महामार्गावर मोठ्या प्रमाणात ट्रॉफीक जाम झाली होती. यानंतर दोन्ही अपघातग्रस्त ट्रक बाजूला करून रस्ता मोकळा करण्यात आला.</p>
