<p><strong>जळगाव । प्रतिनिधी Jalgaon</strong></p><p>शहरासह जिल्ह्यात कोरोनाचा संसर्ग प्रचंड वेगाने वाढू लागला आहे. यात मृत्यू होणार्यांची संख्या देखील वेगाने वाढत असल्याने आज दिवसभरात 29 वर्षीय तरुणासह 14 जणांचा मृत्यू झाल्यान सर्वत्र चिंतेचे वातावरण निर्माण झाले आहे. तसेच 1 हजार 179 बाधित रुग्ण नव्याने आढळले आले असून 1 हजार 159 जण कोरोनामुक्त झाले आहे.</p>.<p>जिल्ह्यात आज 4 एप्रिल रोजी दिवसभरात 1 हजार 179 नवे बाधित रुग्ण आढळून आल्याने ती संख्या 93 हजार 600 एवढी झाली आहे तर दुसरीकडे 1 हजार 159 कोरोनामुक्त झाले आहेत. यात जळगाव शहर 248, जळगाव ग्रामीण 23, भुसावळ 155, अमळनेर 51, चोपडा 257, पाचोरा 66, भडगाव 39, धरणगाव 61, यावल 52, एरंडोल 37, जामनेर 55, रावेर 68, पारोळा 32, चाळीसगाव 6, मुक्ताईनगर 9, बोदवड 49 आणि इतर जिल्ह्यातील 1 असे एकूण 1 हजार 179 नवे रुग्ण आढळून आले आहेत.</p><p><strong>29 वर्षीय तरुणासह 14 जणांचा मृत्यू</strong></p><p>रविवारी दिवसभरात जिल्ह्यात तब्बल 14 बाधितांचा मृत्यू झाला आहे. यामध्ये जळगाव शहरातील 3, जामनेर, धरणगाव, चोपडा तालुक्यातील प्रत्येकी 2 तर पारोळा, एरंडोल, रावेर, अमळनेर व भुसावळ तालुक्यातील प्रत्येकी एकाचा समावेश आहे. यात भुसावळ तालुक्यातील 29 वर्षीय तरुणाचा देखल समावेश आहे. आतापर्यंत मृत्यू झालेल्यांचा आकडा हा 1 हजार 682 इतका झाला आहे.</p>
