<p><strong>जळगाव - Jalgaon</strong></p><p> कामात हलगर्जीपणा, परस्पर रक्कम काढणे व खर्च करणे , कामात दिरंगाई करणे याचा ठपका ठेवत जिल्हयातील पाच ग्रामसेवकांना जिल्हा परिषदेचे मुख्य कार्यकारी अधिकारी डॉ. बी.एन. पाटील यांनीं निलंबित केले आहे. </p>.<p>यावल येथील 2 तर अमळनेर तालुक्यात तालुक्यातील दोन ग्रामपंचायतीचे ग्रामसेवक तर पारोळा तालुक्यातील ढेकू खुर्द येथील एक असे जिल्ह्यातून पाच ग्रामसेवकांना कामातील हलगर्जीपणा, परस्पर रक्कम काढणे व खर्च करणे , कामात दिरंगाई करणे यासंदर्भात तालुका स्तरावरून अहवाल जिल्हा परिषदेला पाठविण्यात आला होता. </p><p>या अहवालावरुन जिल्हा परिषदेचे मुख्य कार्यकारी अधिकारी डॉ. बी.एन.पाटील यांनी पाच ग्रामसेवकांना निलंबित केले आहे.</p><p>यात यावल तालुक्यातील सावखेडा सिम येथील ग्रामसेवक मकरंद सुधाकर सैंदाणे, किनगाव खुर्द येथील ग्रामसेवक कृष्णकांत राजाराम सपकाळे , अमळनेर तालुक्यातील डांगर बुद्रुक येथील ग्रामसेवक शेखर जगन्नाथ पाटील, सारबेट बयेथील ग्रामसेवक रवींद्र पवार तर पारोळा तालुक्यातील ढेकू खुर्द चे ग्रामसेवक जितेंद्र देशमुख यांचा समावेश आहे.</p>
