<p><strong>जळगाव - Jalgaon - प्रतिनिधी :</strong></p><p>पुणे येथील भोसरी भूखंडप्रकरणी ईडीकडून चौकशीसाठी माजी मंत्री एकनाथराव खडसेंना उपस्थित राहण्याचे समन्स बजाविण्यात आले होते. </p>.<p>परंतु खडसेंना कोरोनासदृष्य लक्षणे असल्याने त्यांनी चौकशीला वकीलामार्फत हजेरी लावली. परंतु ईडीकडून त्यांना चौकशीसाठी 14 दिवसांची मुदतवाढ मिळाली आहे.</p><p>राष्ट्रवादी काँग्रेसचे नेते माजी मंत्री एकनाथराव खडसेंना भोसरी भूखंडप्रकरणी मुंबई येथील कार्यालयात उपस्थित होणेबाबत सक्त वसुली संचालनालय (ई.डी) कडून समन्स बजाविण्यात आले होते. </p><p>त्यानुसार 30 डिसेंबर रोजी खडसे हे कागदपत्रांसह ई.डी.कार्यालयाकडे खुलासा सादर करण्यासाठी जाणार होते. परंतु त्यांना ताप, सर्दी व कोरडा खोकल्याचा त्रास जाणवत होता. </p><p>वैद्यकीय अधिकार्यांनी त्यांची तपासणी केली असता त्यांना कोरोना सदृष्य लक्षणे असल्याचे प्राथमिक तपासात समोर आले होते. </p><p>त्यानंतर खडसेंची करोनाची चाचणीसाठी नमुने पाठविण्यात आले असून त्याचा अहवाल अद्याप प्रलंबित आहे.</p>.<p><strong>14 दिवस विश्रांतीच दिला सल्ला</strong></p><p>खडसेंची प्रकृती बरी नसल्याने त्यांना वैद्यकिय अधिकार्यांंच्या सल्ल्यानुसार 14 दिवसांची विश्रांती आवश्यक आहे. </p><p>याबाबत त्यांच्या वकीलांनी ईडी कार्यालयात पत्राद्वारे माहिती दिली असून ईडीकडून देखील त्यांना हजर होण्यासाठी 14 दिवसांची मुदतवाढ दिली असल्याची माहिती खडसेंनी दिली.</p>
