<p><strong>जळगाव । प्रतिनिधी Jalgaon</strong></p><p> जिल्ह्यात आज 13 फेब्रुवारी रोजी नव्याने 71 कोरोनाबाधित रुग्ण आढळून आले असून एकूण कोरोना बाधितांची संख्या 57 हजार 572 एवढी झाली आहे.</p>.<p>तसेच आज एकाही बाधिताचा मृत्यू झालेला नसून 36 जण कोरोनामुक्त झाले आहेत. तसेच जिल्ह्यातील अठरा केंद्रावर 698 आरोग्य कर्मचार्यांनी लस टोचून घेतली. तसेच आज बाधितांचा आकडा वाढल्याने जिल्ह्यात पुन्हा कोरोनाचा विस्फोट असल्याचे दिसून येत आहे.</p><p>जिल्ह्यात अमळनेर, चोपडा, भडगाव, धरणगाव, रावेर, मुक्ताईनगर या तालुक्यांमध्ये एकही रुग्ण आढळून आलेला नाही. जिल्ह्यात आतापर्यंत 55 हजार 789 जणांनी कोरोनावर मात केली आहे . तर दुसरीकडे आतापर्यंत 1 हजार 367 बाधित रुग्णांचा मृत्यू झाल्याची नोंद आहे.</p><p>जिल्ह्यात नव्याने आढळलेल्या रुग्णांमध्ये जळगाव शहर 46, जळगाव ग्रामीण 3, भुसावळ 4, पाचोरा 2, यावल 1, एरंडोल 2, जामनेर 2, पारोळा 1, चाळीसगाव 6, बोदवड 4 असे एकूण 71 नवे रुग्ण आढळून आले आहेत. शनिवारी दिवसभरात शहरातील एकाही बाधिताचा मृत्यू झाला नाही.अशी माहिती जिल्हा रुग्णालयाचे शल्य चिकित्सक डॉ. नागोराव चव्हाण यांनी दिली आहे.</p><p><strong>जिल्ह्यात 698 जणांनी घेतली लस</strong></p><p>जिल्ह्यातील एकोणावीस केंद्रावर आज लसीकरणाची मोहिम पार पडली. यामध्ये शासकीय वैद्यकीय महाविद्यालय 52, जामनेर 73, चोपडा 52, मुक्ताईनगर 9, चाळीसगाव 25, पारोळा 13, भुसावळ 23, अमळनेर 20, पाचोरा 50, रावेर 54, यावल 46, डी. बी. जैन रुग्णालय जळगाव 74, गोल्डसिटी जळगाव 42, भडगाव 44, बोदवड 27, एरंडोल 24, भुसावळ रेल्वे हॉस्पीटल 15, ऑर्कीड हॉस्पीटल 40, धरणगाव 23 असे एकूण 698 जणांनी लस टोचून घेतली. आतापर्यंत 14 हजार 401 जणांनी लसीकरणाचा लाभ घेतला असल्याचे शल्यचिकीत्सकांनी सांगितले.</p>
