<p><strong>चाळीसगाव - chalisgaon - प्रतिनिधी :</strong></p><p>तालुक्यातील तळेगाव शिवरात बंदी असलेल्या बैलांच्या शर्यती(शाम्या गोडा) कार्यक्रमाचे आयोजन करणे तिघांना चांगलेच महागात पडले.</p>.<p>तिघांविरोधात चाळीसगाव ग्रामीण पोलिसात गुन्हां दाखल करण्यात आला. हि घटना दि,३० रोजी घडली असून बैलगाडीसह संशयितांना तांब्यात घेण्यात आले.</p><p>तळेगाव शिवरातील खंडेराव महाराज मंदिर परिसरात न्यायालयाकडून बंदी असलेल्या बैलांच्या शर्यत(शाम्या गोडा)चे भैय्या बाळू निकम(३२) रा.तळेगाव, संदिप भिवसींग परदेशी(३०) रा.पाचोरा, भैय्या उत्तम जाधव(३०) रा.पाचोरा यांनी आयोजन केले होते. </p>.<p>परंतू याची माहिती वेळीच चाळीसगाव ग्रामीण पोलिसांना मिळाली, त्यांनी तात्काळ तळेगाव येथे धाव घेवून बैलगाडीसह तिघांना ताब्यात घेतले.</p><p>याप्रकरणी चाळीसगाव ग्रामीण पोलीस स्टेशनला तिघांविरोधात गुन्हां दाखल करण्यात आला असून पुढील तपास पोहेकॉ.नितीन आमोदकर करीत आहेत.</p>
