<p><strong>चाळीसगाव chalisgaon प्रतिनिधी</strong></p><p> कर्जबाजारीपणामुळे आत्महत्या केलेल्या चाळीसगाव तालुक्यातील भउर येथील कै.अशोक नामदेव गुंजाळ व गणेशपूर येथील कै.सुनील भिका पाटील या शेतकर्यांच्या कुटुंबियांना..... </p>.<p>शासनातर्फे प्रत्येकी १ लाख रुपये व दारिद्य रेषेखालील कुटुंबातील १८ ते ५८ वर्ष वय असणार्या कमावत्या व्यक्तीच्या मृत्युनंतर त्यांच्या वारसांना राष्ट्रीय कुटुंब अर्थसहाय्यता योजनेंतर्गत चाळीसगाव तालुक्यातील १९ कुटुंबाना प्रत्येकी २० हजार प्रमाणे ३ लाख ८० हजार रुपये मदतीचे धनादेश आमदार मंगेश चव्हाण यांच्याहस्ते वितरीत करण्यात आले.</p><p>तहसील कार्यालयात आयोजित या धनादेश वाटप कार्यक्रमास प्रांताधिकारी लक्ष्मीकांत साताळकर, तहसीलदार अमोल मोरे, पंचायत समितीचे गटनेते संजय भास्करराव पाटील, भाजपा तालुकाध्यक्ष प्रा.सुनील निकम आदी उपस्थित होते.</p><p>यावेळी आमदार मंगेश चव्हाण यांनी सदर कुटुंबाना कायमस्वरूपी आधार देण्यासाठी त्यांना विधवा निवृत्तीवेतन व शासनाच्या इतर योजनांच्या माध्यमातून मदत मिळवून देण्याच्या सूचना प्रशासनाला केल्या आहेत.</p>
