वरणगाव फॅक्टरी - भुसावळ - वार्ताहर - Bhusawal :
तालुक्यातील तापी नदी काठी असलेल्या सांवतर निंभोरा येथील युवक पाण्यात बुडून मृत्यू झाल्याची घटना ८ रोजी सकाळी १२ वाजेच्या सुमारास घडली.
याबाबत पोलिस सूत्रांनी दिलेली माहिती अशी की, सांवतरनिंभोरा येथील रहिवाशी गणेश ज्ञानेश्वर सपकाळे (वय ३०) हा तापी नदीवर पोहण्यासाठी गेला असता पाण्याचा अदांज न आल्याने बुडून मृत्यू झाला.
याबाबत वरणगाव पोलिसात आकस्मात मृत्यूची नोंद करण्यात आली आहे. मयताच्या पश्चात आई, वडील, पत्नी, एक मुलगा, एक मुलगी असा परिवार आहे.