भुसावळ - Bhusawa l-प्रतिनिधी :
येथील लोहमार्ग पोलिसात दाखल विनयभंगाच्या गुन्ह्यातील आरोपीस न्यायालयाने शिक्षा सुनावल्यानंतरही पसार झालेल्या आरोपीस लोहमार्ग पोलिसांनी अटक करुन न्यायालयात हजर केले.
येथील लोहमार्ग पोलिसात दाखल गु.र.नं. ८०/२०१२, भा.दं.वि. ३५४ प्रमाणे दाखल गुन्ह्यातील आरोपी योगेश मधुकर महाजन (वय ३०, रा. वाघोड)याला येथील रेल्वे न्यायालयाने एक वर्षाचा कारावास व एक हजार रुपयांच्या दंडाची रक्कम दंडाची शिक्षा सुनावली होती.
आरोपी हा अपील कालावधी नंतर कोर्टात हजर न होता पासार झाला होता. सदर आरोपीला कोर्टाच्या आदेशानुसार त्याच्या गावातून अटक करुन न्यायालयात हजर केले.