<p><strong>जळगाव । प्रतिनिधी Jalgaon</strong></p><p> जिल्ह्यात आज 24 जानेवारी रोजी नव्याने 33 कोरोनाबाधित रुग्ण आढळून आले असून एकूण कोरोना बाधितांची संख्या 56 हजार 846 एवढी झाली आहे. </p>.<p>आज दिवसभरात एकाही बाधिताचा मृत्यू झालेला नाही. तर दुसरीकडे 52 जण कोरोनामुक्त झाले आहेत. जिल्ह्यात जळगाव ग्रामीण, पाचोरा, धरणगाव, यावल, एरंडोल, जामनेर, मुक्ताईनगर आणि बोदवड या तालुक्यामध्ये एकही रुग्ण आढळून आलेला नाही.</p><p>जिल्ह्यात आतापर्यंत 55 हजार 63 जणांनी कोरोनावर मात केली आहे . तर दुसरीकडे आतापर्यंत 1 हजार 351 बाधित रुग्णांचा मृत्यू झाल्याची नोंद आहे.</p><p>जिल्ह्यात नव्याने आढळलेल्या रुग्णांमध्ये जळगाव शहर 8, भुसावळ 7, अमळनेर 1 , चोपडा 1 , भडगाव 2, रावेर 3, पारोळा 7, चाळीसगाव 4 असे एकूण 33 नवे रुग्ण आढळून आले आहेत. रविवारी दिवभरात एकाही बाधिताचा मृत्यू झालेला नाही, अशी माहिती जिल्हा रुग्णालयाचे शल्य चिकित्सक डॉ. नागोराव चव्हाण यांनी दिली आहे.</p>
