<p><strong>जळगाव । प्रतिनिधी Jalgaon</strong></p><p> जिल्ह्यात आज 10 जानेवारी रोजी कोरोनाचे 41 नवे रुग्ण आढळून आले असून एकूण कोरोनाबाधितांची संख्या 56 हजार 318 एवढी झाली आहे. </p>.<p>दिवसभरात एका बाधिताचा मृत्यू झालेला आहे. दुसरीकडे 44 जण कोरोनामुक्त झाले आहे तसेच अमळनेर, पाचोरा, भडगाव, धरणगाव, एरंडोल, रावेर, पारोळा, चाळीसगाव, बोदवड या नऊ तालुक्यांमध्ये एकही रुग्ण आढळून आलेला नाही.</p><p>जिल्ह्यात आतापर्यंत 54 हजार 490 जणांनी कोरोनावर मात केली आहे . तर दुसरीकडे आतापर्यंत 1 हजार 338 एवढ्या बाधित रुग्णांचा मृत्यू झाला आहे.</p><p>जिल्ह्यात नव्याने आढळलेल्या रुग्णांमध्ये जळगाव शहर 27, जळगाव ग्रामीण 1, भुसावळ 2, चोपडा 3, यावल 1 ,जामनेर 5, मुक्ताईनगर 2 असे एकूण 41 नवे रुग्ण आढळून आले आहेत. रविवारी दिवभरात जळगाव शहरातील एका बाधिताचा मृत्यू झाला आहे. अशी माहिती जिल्हा रुग्णालयाचे शल्य चिकित्सक डॉ. नागोराव चव्हाण यांनी दिली आहे.</p>
