<p><strong>चाळीसगाव chalisgaon प्रतिनिधी-</strong></p><p>राज्यात बंदी असलेले प्लास्टिकच्या कॅरीबग चाळीसगाव शहरात सर्रासपणे विक्री होत आहे. नगरपरिषदेच्या पथकाकडून वेळोवेळी जप्तीची कारवाई करण्यात येते. </p>.<p>परंतू तरी देखील शहरात ५० मायक्रान पेक्षा कमी जाडीच्या प्लास्टिकच्या कॅरीबॅग व इतर वस्तूची विक्री होत असल्याने नगर परिषदेच्या पथकाडून पुन्हा मंगळवारी बंदी असलेल्या प्लास्टिकची विक्री करणार्यावर कारवाईचा बडगा उगारण्यात आला. शहरातील विविध दुकानाची तपासणी करण्यात आली.</p><p>यात प्लास्टिक कॅरीबॅग विक्री करणारे दुकानदार प्रमोद कोतकर व सुनील जैन या दुकानदारांकडून प्रत्येकी ५ हजार प्रमाणे एकूण १० हजार रुपये दंड वसूल करण्यात आला. तसेच २० किलो प्लास्टिक जप्त करण्यात आले.</p><p> ही कारवाई न.पा.च्या नगराध्यक्षा आशालता चव्हाण, उपनगराध्यक्षा आशाबाई चव्हाण, मुख्याधिकारी शंकर गोरे यांच्या मार्गदर्शनाखाली स्वच्छता निरीक्षक संजय गोयर, स्वच्छता निरीक्षक तुषार नकवाल, सचिन निंकुभ, दिलीप चौधरी आदिनी केली आहे.</p>
