<p><strong>सोनगीर - Songir - वार्ताहर :</strong></p><p>मुंबई-आग्रा महामार्गावरील वाघाडी फाट्यावरील गतिरोधकवर भरधाव ट्रॅक्टरची ट्राली दुचाकीवर उलटल्याने एक ठार व एक जण जखमी झाला.</p>.<p>हा अपघात आज सायंकाळी पाच वाजेच्या सुमारास घडला. रविंद्र संतोष पाटील (वय 45 रा. सायने ता. धुळे) असे मयताचे नाव आहे.</p><p>शिरपूरकडून धुळ्याकडे मक्याचा बारीक चारा भरून जाणार्या ट्रॅक्टरला दोन ट्राली जोडलेल्या होत्या. वाघाडी फाट्यावर गतिरोधकावर वेगात असलेल्या ट्रॅक्टरची मागची ट्राली उलटली. </p>.<p>त्याचवेळी मागून येणार्या दुचाकीस्वाराने (क्र.एमएच 18, एएम 6493) गतिरोधक वाचविण्यासाठी महामार्ग उतरून पुढे नेत असताना ट्राली दुचाकीवर उलटली.</p><p>त्यात रविंद्र पाटील हे जागीच ठार झाले. तर प्रवीण संतोष कोळी (वय 36 राहणार सायने) हा जबर जखमी झाला.</p><p>दोघांना जिल्हा रुग्णालयात दाखल करण्यात आले आहे. दरम्यान दोन्ही बांधकाम कामगार असून ते बाभळे औद्योगिक वसाहत येथून काम संपवून घरी जात होते. ट्रॅक्टर (कुकाणे ता. साक्री) येथे जात होते.</p>
