<p><strong>धुळे - Dhule - प्रतिनिधी :</strong></p><p>महापालिकेने अद्यावत आधुनिक रोबटद्वारे स्वच्छता केल्याची दखल घेवून महापालिकेला रजत पदक मिळाले आहे. </p>.<p>नवनवीन अद्यावत आधुनिक तंत्राद्वारे स्वच्छता करणे व त्यासाठी कारवाई करणे याची दखल घेवून स्कॉच संस्थेतर्फे महापालिका, नगरपालिका व जिल्हा प्रशासन यांच्यासाठी स्पर्धा घेतली होती. </p><p>या स्कॉच अवार्डसाठी धुळे महापालिकेने सहभाग नोंदविला. महापालिकेने भुमिगत गटार साफ करण्यासाठी रोबटचा वापर केला. कर्मचार्यांना गटारीमध्ये न उतरता रोबटद्वारे स्वच्छता करणे शक्य होत आहे. यामुळे कर्मचार्यांच्या आरोग्यास धोका निर्माण होत नाही.</p>.<p>आज दि. 22 डिसेंबर रोजी 69 स्कॉच समिटचे आयोजन करण्यात आले होते. सदरचा अवॉर्ड मिळण्यासाठी नागरिकांच्या माध्यमातून 20 टक्के अभिप्राय व 80 टक्के परिक्षकांचे अभिप्राय असे गुणांचे विभाजन करण्यात आले होते. </p><p>सदर अवॉर्डसाठी संपुर्ण देशातून एक हजार पेक्षा जास्त महापालिकांनी आणि नगरपरिषदांनी सहभागी घेतला होता. त्यात रोबटच्या माध्यमातून केलेल्या स्वच्छतेच्या कामाची दखल घेवून धुळे महापालिकेला रजद पदक मिळाले आहे.</p><p>याबद्दल आयुक्त अजीज शेख, अतिरिक्त आयुक्त गणेश गिरी, उपआयुक्त शांताराम गोसावी, सहाय्यक आयुक्त विनायक कोते, प्रकल्प अधिकारी शरयु सनेर, श्रीनाथ देशपांडे, जुनैद अन्सारी, चंद्रकांत जाधव यांनी सहकार्य केले.</p>
