<p><strong>धुळे - Dhule - प्रतिनिधी :</strong></p><p>जिल्ह्यात 182 ग्रामपंचायतींसाठी शांततेत 77 टक्के मतदान झाले. तर मतमोजणी चार तालुक्यांच्या ठिकाणी दि. 18 जानेवारी रोजी होणार आहे. मतमोजणीची तयारी पुर्ण झाली असून प्रशासन मतमोजणीसाठी सज्ज आहे.</p>.<p>काल निवडणूक झाल्यानंतर मतपेट्या त्या-त्या तालुक्याच्या ठिकाणी पोहचविण्यात आल्या असून त्या मतपेट्या स्ट्राँग रुममध्ये सील करुन ठेवण्यात आल्या आहेत.</p><p>स्ट्राँग रुमसमोर कडेकोट पोलीस बंदोबस्त तैनात करण्यात आला आहे. मतमोजणीच्या दिवशी स्ट्राँग रुममधून मतपेट्या बाहेर काढण्यात येतील.</p>.<p>त्यानंतर मतमोजणीला सुरुवात होईल. मतमोजणीच्या ठिकाणी पोलीस बंदोबस्त लावण्यासाठी पोलीस यंत्रणेने नियोजन केले आहे. तर मतमोजणीसाठी अधिकारी व कर्मचार्यांची नियुक्ती करण्यात आली आहे.</p>
