आमदारांचा राज्य  उत्पादन शुल्क विभागात ठिय्या
धुळे

आमदारांचा राज्य उत्पादन शुल्क विभागात ठिय्या

Balvant Gaikwad

Balvant Gaikwad

शहरातील चाळीसगाव  रोडवरील दारूची दुकाने बंद करण्याबाबत मंत्र्यांनी आदेश देवूनही कारवाई होत नसल्याने चौकशीसाठी आ.  फारूख शाह राज्य उत्पादन शुल्क विभागात गेले. मात्र तेथे अधिकारीच नसल्याने आमदार संतप्त झाले. व त्यांनी कार्यालयाबाहेरच ठिय्या मांडला.

शहरातील चाळीसगाव रोडवर कनोसा शाळेसमोर पुनम व सत्यम वाईन्स ही दुकाने आहेत. सदर दुकाने बंद करण्याबाबत आ. शाह यांच्याकडे नागरिकांच्या तक्रारी आल्या.

त्यानंतर याबाबत आ. शाह यांनी पाठपुरवा केला. व सदर दुकाने बंद करण्याचे आदेश मंत्र्यांनी दिले. पंरतू राज्य उत्पादन शुल्क विभागाने प्रत्यक्षात काहीही कारवाई केलेली नाही.

याबाबत चौकशी करण्यासाठी आ. शाह हे राज्य उत्पादन शुल्क विभागात गेले. परंतू तेथे अधिकारी नसल्याने आमदार संतप्त झाले. व त्यांनी तेथे ठिय्या मांडला. त्यानंतर त्यांनी अधिकार्‍यांशी चर्चा केली.

Latest Marathi News, Marathi News Paper, Breaking News In Marathi, Marathi Batmya Live
www.deshdoot.com