<p><strong>दोंडाईचा - श. प्र. Dondaicha</strong></p><p>येथील कलाशिक्षक राजन मोरे व महेंद्रकुमार बाविस्कर, प्रितम भावसार, परिमल कोंटूरवार हे चार सायकलीस्ट नाशिक सायकलीस्ट फाऊंडेशनच्या सोबत "देखणा है कल तो चालाओ सायकल" हा नारा घेऊन दोंडाईचा ते श्रीक्षेत्र गजानन महाराजांच्या दर्शनसाठी शेगाव पर्यंत सायकल वारीला दोंडाईचा येथून दि.25 रोजी सकाळी ११ वाजेला सुरूवात केली.</p>.<p>दोंडाईचाहून धुळे मार्गे शेगाव हे ३५० की मी अंतर हे तीन दिवसात पूर्ण करणार आहेत. सदर सायकल वारीला माजी मंत्री तथा आमदार जयकुमार रावल यांनी वारीला हिरवा झेंडा दाखवला यावेळी भाजपा धुळे जिल्हाध्यक्ष नारायण पाटील, प्रवीण महाजन, हजर होते. तसेच खासकरून या वारीत दोंडाईचा पोलीस स्टेशनचे प्रभारी परिविक्षाधीन पोलीस अधीक्षक (आयपीयस अधिकारी) पंकज कुमावत यांनी स्वता: शिवाजी महाराज पुतळ्यापासून ते दोंडाईचा पोलीस स्टेशन पर्यंत सायकल चालवून सहभागी होऊन पुढील सुखद प्रवासाच्या शुभेच्छा दिल्या. </p><p>सदर ठिकाणी सर्व सामाजिक राजकीय क्षेत्रातील नागरिक, पत्रकार तसेच मित्र परिवारातील सायकल वारीतील चार भूमिपुत्रांना प्रोत्साहन पर देण्यासाठी शुभेच्छांचा वर्षाव केला. सदर चारही सायकली आज आकरा वाजेच्या सुमारास धुळ्याकडे रवाना झाले होते. सायंकाळ पर्यंत ते धुळे गाठणार आहे.</p>
