<p><strong>धुळे | प्रतिनिधी Dhule</strong></p><p>शहरातील स्टेशन रोडवरील शनि मंदिरामागे असलेल्या बारदानच्या गोडावूनला आज सकाळी अचानक आग लागली. त्यात होरपळून गोडावून मालकासह मजुराचा मृत्यू झाला. </p>.<p>जयवंत बाळकृष्ण पाखले (वय ४५ रा. पार्वती नगर, धुळे) असे गोडावून मालक व मजुर अनिल पाटील अशी दोघा मयतांची नावे आहेत. आग लागल्यानंतर त्यांनी गोदामातील बारदान वाचविण्यासाठी बाहेर फेकत असतांनाच ते आगीच्या लपेट्यात सापडले.</p><p> माहिती मिळताच घटनास्थळी अग्नीशमनबंब तसेच परिसतील नागरिक, सामाजिक कार्यकर्ते, शहर पोलिस दाखल झाले. गोडावूनची भिंत फोडून दोघांना बाहेर काढण्यात आले. पंरतू दोघांचा होरपळून व गुदमरून मृत्यू झालेला होता. घटनेमुळे हळहळ व्यकत होत आहे.</p>
