<p><strong>धुळे । प्रतिनिधी Dhule</strong></p><p>जिल्ह्यात गेल्या तीन दिवसांपासून कोरोना बाधितांचा आकडा वाढत आहे. शनिवारी दिवसभरात नवीन 55 कोरोना पॉझिटिव्ह रूग्ण आढळून आले.</p>.<p>तर शासकीय वैद्यकीय महाविद्यालयात दाखल 80 वर्षीय (रा. कासारे ता.साक्री) वृध्दाचा कोरोनाने मृत्यू झाला आहे. जिल्हात आतापर्यंत एकूण 392 जणांचा कोरोनाने बळी घेतला आहे. भाडणे ता. साक्री सीसीसीमधील रॅपिड अँटीजन टेस्टच्या 2 अहवालांपैकी 1 अहवाल पॉझिटिव्ह आला आहे. </p><p>एसीपीएम लॅबमधील 4 अहवालापैकी 1 व खाजगी लॅबमधील 99 अहवालापैकी 53 अहवाल पॉझिटिव्ह आले आहे. त्यात अधिक धुळे शहरातील रूग्णांचा समावेश आहे. जिल्ह्यात बाधितांची एकूण रूग्ण संख्या 15 हजार 123 वर पोहोचली आहे.</p><p> दरम्यान नागरिकांनी मास्क, सॅनेटायझरचा वापर करावा. अनावश्यक गर्दी टाळावी, असे आवाहन प्रशासनाने केले आहे.</p>
