<p><strong>दोंडाईचा - Dondaicha - श.प्र :</strong></p><p>येथील चार सायकलीस्ट नाशिक सायकलीस्ट फाऊंडेशनच्या सोबत श्री क्षेत्र शेगाववारीला रवाना झाले आहे. विशेष म्हणजे त्यांनी देखना है कल तो चालाओ सायकल, हा नारा देत वारीला सुरूवात केली. </p>.<p>त्यात कलाशिक्षक राजन मोरे, महेंद्रकुमार बाविस्कर, प्रितम भावसार व परिमल कोंटूरवार हे चौघे सायकलीस्ट सहभागी झाले आहे. </p><p>या सायकल वारीला दोंडाईचा येथून आज दि.25 रोजी सकाळी 11 वाजेला सुरूवात झाली. दोंडाईचाहून धुळे मार्गे शेगाव हे 350 की.मी. अंतर हे तीन दिवसात पूर्ण करणार आहेत.</p>.<p>सायकल वारीला माजी मंत्री तथा आ.जयकुमार रावल यांनी हिरवा झेंडा दाखवला. यावेळी भाजपा जिल्हाध्यक्ष नारायण पाटील, प्रवीण महाजन उपस्थित होते. </p><p>तसेच या वारीत दोंडाईचा पोलीस स्टेशनचे प्रभारी परिविक्षाधीन पोलीस अधीक्षक पंकज कुमावत यांनी स्वत: शिवाजी महाराज पुतळ्यापासून ते दोंडाईचा पोलीस स्टेशनपर्यंत सायकल चालवून सहभागी झाले होते. सायकलस्वार सायंकाळपर्यंत धुळे गाठणार आहे.</p>
