<p><strong>धुळे - Dhule - प्रतिनिधी :</strong></p><p>सातबारा संगणकीकरणात धुळे जिल्ह्याने लक्ष्यवेधी कामगिरी बजावली आहे. धुळे जिल्ह्याने नाशिक विभागातच नव्हे, तर संपूर्ण राज्यात प्रथम क्रमांक पटकावला आहे. </p>.<p>मार्च 2021 अखेर दोन लाख 70 हजार 695 सातबारा संगणकीरणाचे काम पूर्णत्वास आले आहे, अशी माहिती उपजिल्हाधिकारी तथा ई- फेरफार प्रकल्पाच्या नोडल अधिकारी हेमांगी पाटील यांनी दिली आहे.</p><p>जिल्ह्यातील सर्व महसूल अधिकारी, कर्मचार्यांसह तलाठी व मंडळ अधिकार्यांनी विशेष परिश्रम घेवून धुळे जिल्ह्यातील ई-फेरफार प्रणालीमधील प्रलंबित फेरफार यांची प्रलंबितता कमी करून धुळे जिल्ह्यातील नागरिकांना दिलासा देणारे कामकाज केले आहे.</p>.<p>महसूल विभागाच्या ई- फेरफार प्रकल्पातील सर्व सुविधांचा लाभ घेण्यासाठी सामान्य नागरिकाला सुलभ व्हावे म्हणून महाभूमी हे संकेतस्थळ विकसित करण्यात आले असून या संकेतस्थळाच्या आधारे कोणालाही महसूल विभागाच्या सर्व स:शुल्क आणि नि:शुल्क सेवांचा लाभ घेता येणार आहे, असेही श्रीमती पाटील यांनी सांगितले.</p><p>महसूल विभागाच्या ई-फेरफार प्रणालीमध्ये प्रलंबित अनोंदणीकृत व नोंदणीकृत फेरफार यांची प्रलंबितता कमी करण्यासाठी धुळे जिल्ह्यात उल्लेखनीय कामकाज झाले आहे.</p>
