<p><strong>धुळे - Dhule - प्रतिनिधी :</strong></p><p>अफगाणिस्थानातील घबाडाच्या लालसेपायी देवपूरातील शिक्षकांची सव्वातील लाखात फसवणूक झाल्याचा प्रकार समोर आला आहे. </p>.<p>याप्रकरणी सायबर पोलिस ठाण्यात इल्स मिचेल व गरिमा देशमुख नामक दोघांवर गुन्हा दाखल करण्यात आला आहे.</p><p>याबाबत शहरातील देवपुर परिसरातील वलवाडी शिवारातील गुरव हौसिंग सोसायटीतील प्लॉट क्र. 6 मध्ये राहणारे शिक्षक संजय शेनपडू देसले (वय 47) यांनी सायबर पोलिसात फिर्याद दिली आहे.</p><p> त्यानुसार इल्स मिचेल हिने देसले यांच्याशी ई-मेलव्दारे वेळोवळी संपर्क साधला. मी अफगाणिस्थान येथे सैन्य दलाल भरती झालेली आहे.</p>.<p>आम्हाला अफगाणिस्तान येथे घबाड सापडले आहे. त्यात आमच्या हिश्याला 4.3 मिलियन डॉलर आले आहेत. आमच्या हिश्यातील 30 टक्के रक्कम आम्ही पाठवितो, असे सांगितले.</p><p>त्यानंतर एक बॉक्समध्ये पार्सल पॅक करून ब्रिटिश एअरवेज,वर्ल्ड कार्गो या कंपनीमार्फत बॉक्स कुरियर केल्याच्या पावतीचा फोटो व त्यात नोटांचे बंडल पॅक करतांनाचे व्हिडीओ संजय देसले यांच्या ईमेलवर पाठविण्यात आले.</p><p>त्यांनतर गरिमा देशमुख हिने मी, मुंबई येथील कस्टम अधिकारी बोलत असून तुमच्या नावाने अफगाणिस्तानमधून एक पार्सल आले आहे. ते सोडविण्यासाठी व पैशाचे आमिष दाखवून 3 लाख 27 हजार रुपये बँकेत भरा करा, असे तिने सांगितले.</p>.<p>त्यानुसार देसले यांनी रक्कम भरली. मात्र पार्सल मिळाले नाही. आपली फसवणुक झाल्याचे लक्षात आल्यानंतर देसले यांनी सायबर पोलिस ठाणे गाठले.</p><p>त्यानुसार इलियास मायकेल, गरिमा देशमुख या दोघांविरुध्द भादंवि कलम 419,420,34,आयटी अॅक्ट 66 (डी) प्रमाणे आरोपींविरुध्द गुन्हा दाखल करण्यात आला आहे. तपास पोलिस निरीक्षक रविंद्र देशमुख करीत आहेत.</p>
