<p><strong>धुळे - Dhule - प्रतिनिधी :</strong></p><p>शहरानजीक असलेल्या मोहाडी उपनगरातील रिलायन्स टॉवर जवळून चोरुन नेण्यात आलेली पिकअप व्हॅनसह दोघांना पोलिसांनी ताब्यात घेतले. दोघांनी नशा करण्याच्या खर्चासाठी सदर वाहन चोरुन नेल्याचे पोलिसांना सांगितले.</p>.<p>शहरानजीक असलेल्या मोहाडी उपनगरातील रिलायन्स टॉवर जवळील लोहार कॉम्प्लेक्स येथील दुकानासमोर एमएच 18 एए 4775 क्रमांकाची फारुख हाजी लतिफ मेमन यांच्या मालकीची गाडी लावलेली होती. </p><p>सदर वाहन चोरुन नेल्याबाबत मोहाडी पोलिस ठाण्यात तक्रार दिली होती. सपोनि योगेश राजगुरु यांना 3 जानेवारीला काटेर झुडपात आसिफ शेख मोहम्मद हनीफ हा त्याच्या साथीदारासोबत नशा करत असतांना त्याच्याजवळ पिकअप गाडी असल्याची माहिती मिळाली. </p>.<p>त्यानुसार मोहाडी पोलिसांनी पथक तयार केले. पोलिसांनी आसिफ व त्याच्या साथीदाराला ताब्यात घेतले. दोघांना न्यायालयात हजर केले. न्यायालयाने दोघांना पोलीस कोठडीत ठेवण्याचा आदेश दिला.</p>
