<p><strong>धुळे - Dhule - प्रतिनिधी :</strong></p><p>जीवंत व्यक्तीला मयत दाखवून ट्रस्टची मिळकत हडप करण्यासाठी वक्फ बोर्डाच्या नावाने बनावट दस्तऐजव तयार करून फसवणूक केल्याचा प्रकार समोर आला आहे. याप्रकरणी दोन जणांवर आझादनगर पोलिसात गुन्हा दाखल झाला आहे.</p>.<p>याबाबत मोलवीवाडी मशिद ट्रस्टी नियाज अहमदयार मोहम्मद मौलवी (वय 75 रा. अकबर चौक, मौलवीवाड, धुळे) यांनी पोलिसात फिर्याद दिली आहे.</p><p> त्यानुसार एकबाल अमद याद मोहम्मद रज्जाक (रा. कसाबवाडा मशिद जवळ, धुळे) व रईस शाह साबीर शाह या दोघांनी स्वतःच्या आर्थिक फायद्यासाठी नियाज अहमदयाद मोहम्मद मौलवी हे जिवंत असून देखील त्यांना मयत दाखविले. </p>.<p>ट्रस्टीची मिळकत हडप करण्याच्या उद्देशाने दोघांनी कटकारस्थान रचून खोटे प्रतिज्ञा पत्र सादर करून स्वतःला ट्रस्टचा अध्यक्ष म्हणून वफ बोर्डाच्या नावाचे बनावट दस्तऐवज तयार करून घेवून फसवणूक केली.</p><p>त्यावरून वरील दोघांविरोधात भांदवि कलम 420, 467, 468, 471, 772, 120 (ब), 34 प्रमाणे गुन्हा दाखल करण्यात आला आहे. तपास उपनिरीक्षक बी.आर.पाटील करीत आहेत.</p>
