<p><strong>धुळे - Dhule - प्रतिनिधी :</strong></p><p>दारूच्या नशेत बडबड करीत असल्याचा राग मनात धरून मोठ्या भावानेच लाकडी दांडक्याने मारहाण करून लहान भावाचा खून केल्याची घटना समोर आली आहे. याप्रकरणी पिंपळनेर पोलिसात गुन्हा दाखल झाला आहे.</p>.<p>विश्वास झिपरू अहिरे (वय 52 रा. गुंजाळ ता. साक्री) असे मयताचे नाव आहे. तो दारूच्या नशेत बडबड करीत असे. </p><p>याचा राग मनात धरून त्याचा मोठा भाऊ येडु झिपरू अहिरे याने दि. 2 रोजी दुपारी तीन वाजेच्या सुमारास लाकडी दांडक्याने विश्वास यास पोटावर, पाठीवर, छातीवर बेदम मारहाण केली. </p>.<p>त्यामुळे पोटा अंतर्गत रक्तश्राव होवून विश्वास अहिरे यांचा मृत्यू झाला. अशी फिर्याद शेंगीबाई विश्वास अहिरे (वय 48) यांनी पिंपळनेर पोलिसात दिली आहे.</p><p>त्यानुसार येड अहिरे याच्याविरोधात भांदविक कलम 302 प्रमाणे गुन्हा दाखल करण्यात आला आहे. तपास सहाय्यक पोलिस निरीक्षक दिलीप खेडकर करीत आहेत.</p>
