<p><strong>धुळे - Dhule - प्रतिनिधी :</strong></p><p>जिल्ह्यात करोना बाधितांच्या संख्येत चांगलीच घट झाली आहे. शुक्रवारीही दिवसभरात केवळ 7 करोना पॉझिटिव्ह रूग्ण आढळून आले. </p>.<p>शासकीय वैद्यकीय महाविद्यालयात दाखल 38 वर्षीय महिलेचा (शिरपुर) उपचारादरम्यान मृत्यू झाला आहे. जिल्हात आतापर्यंत एकूण 387 जणांचा करोनाने बळी गेला आहे.</p><p>जिल्हा रुग्णालयातील 45 अहवालांपैकी 3 अहवाल पॉझिटिव्ह आले आहे. तसेच रॅपिड अँटीजन टेस्टचा 1 अहवाल निगेटीव्ह आला आहे. उपजिल्हा रुग्णालय दोंडाईचा येथील सर्व 12 अहवाल निगेटिव्ह आले आहे. </p>.<p>उपजिल्हा रुग्णालय शिरपूर येथील 18 अहवालांपैकी 1 अहवाल पॉझिटिव्ह आला आहे. तसेच रॅपिड अँटीजण टेस्टचे 4 अहवाल निगेटीव्ह आले आहे.</p><p>भाडणे ता. साक्री सीसीसीमधील 9 अहवालांपैकी 1 अहवाल पॉझिटिव्ह आला आहे. महापालिका रॅपिड अँटीजन टेस्टमधील 156 अहवालांपैकी 1 अहवाल पॉझिटिव्ह आला आहे. शासकीय वैद्यकीय महाविद्यालय धुळे येथील 4 अहवालांपैकी 1 अहवाल धुळे जिल्ह्यातील पॉझिटिव्ह आला आहे.</p><p>एसीपीएम लॅबमधील सर्व 5 अहवाल निगेटिव्ह आले आहे. जिल्ह्याची एकुण रूग्ण संख्या 14 हजार 388 इतकी झाली आहे.</p>
