<p><strong>धुळे - Dhule - प्रतिनिधी :</strong></p><p>शहरातील शांतीनगरातील 65 वर्षीय महिलेचा कोरोनाने मृत्यू झाला तर गुरुवारी 24 तासात 12 रुग्ण आढळून आले आहेत.</p>.<p>बाधितांची संख्या घटत असली तरी करोनाचा धोका टळलेला नाही. त्यामुळे जिल्हा प्रशासनाने काळजी घेण्याचे आवाहन केले आहे.</p><p>येथील शासकीय वैद्यकीय महाविद्यालयात कोरोना बाधीत शांतीनगर येथील 65 वर्षीय महिला उपचार घेत होती. </p>.<p>उपचारादरम्यान या महिलेचा मृत्यू झाला. आतापर्यंत करोनाने जिल्ह्यात 381 जणांचा बळी घेतला आहे. त्यात महापालिका क्षेत्रात 169 तर ग्रामीण भागात 212 रुग्णांचा समावेश आहे.</p><p>जिल्ह्यात गुरुवारी 24 तासात 12 बाधित आढळून आले आहेत. बाधितांची संख्या 14 हजार 102 पोहचली आहे.</p>
