<p><strong>धुळे - Dhule - प्रतिनिधी :</strong></p><p>जिल्ह्यात करोनाने चौघांचा मृत्यू झाला आहे. तर बुधवारी 24 तासात 468 बाधीत आढळून आले आहेत.</p>.<p>शासकीय वैद्यकीय महाविद्यालयात शिरपूर तालुक्यातील भोरखेडा येथील 60 वर्षीय पुरुष, शिंदखेडा येथील 60 वर्षीय महिला, धुळे तालुक्यातील खेडे येथील 79 वर्षीय पुरुष आणि नगावबारी येथील 60 वर्षीय महिला कोरोना कक्षात उपचार घेत होते. उपचारा दरम्यान या चौघांचा बुधावारी मृत्यू झाला.</p><p>जिल्ह्यात आतापर्यंत 409 जणांचा करोनाने बळी घेतला आहे. त्यात महापालिका क्षेत्रात 184 तर ग्र्रामीण भागात 225 रुग्णांचा समावेश आहे.</p>.<p>जिल्हा रुग्णालय येथील 97, धुळे तालुका प्राथमिक आरोग्य केंद्र रॅपीड अँटीजन टेस्टमधील 12, शिरपूर उपजिल्हा रुग्णालयातील 112, शिरपूर ब्लॉक रॅपीड टेस्टमधील 26, दोंडाईचा उपजिल्हा रुग्णालय येथील 79, शिंदखेडा तालुका रॅपीड अँटीजन टेस्टमधील आठ, भाडणे साक्री सीसीसी मधील 20, साक्री तालुका रॅपीड अँटुीजन टेस्टमधील 56, महापालिका रॅपीड अँटीजन टेस्टमधील नऊ, शासकीय वैद्यकीय महाविद्यालयमधील 14, एसीपीएम लॅबमधील 22, खासगी लॅबमधील 13 असे एकूण 468 बाधीत आढळून आले आहेत. जिल्ह्यात आतापर्यंत बाधितांची संख्या 22 हजार 898 वर पोहचली आहे.</p>
