<p><strong>बोराडी - Boradi - वार्ताहर :</strong></p><p>येथील प्राथमिक आरोग्य केंद्राच्या रॅपिड अँटीजन टेस्टच्या अहवालात कोडीद येथील आश्रम शाळेतील सात विद्यर्थिनी करोना पॉझिटिव्ह आल्या आहेत. </p>.<p>तर बोराडी येथे 6 असे एकूण 13 रुग्णाचा अहवाल पॉझिटीव्ह आला होता. तर आजच्या अहवालात बोरीडीच्या पाच रुग्णांमध्ये रोहिणी आश्रम शाळेचे मुख्याध्यापक तसेच वाघाडीतील आर.सी.पटेल आश्रम शाळेतील विद्यार्थी व एक रुग्ण सांगवी येथील पॉझिटिव्ह आले आहे.</p><p>बोराडी व कोडीद गावात कोरोना रुग्णांची संख्या दिवसेंदिवस वाढत आहे. त्यासाठी गाव- पातळीवर व प्रशासनाने योग्य काळजी घेतल्यास कोरोना रुग्णांची संख्या कमी होण्यास मदत होईल. </p>.<p>यासाठी व्यापारी वर्ग पूर्णपणे सहकार्य करीत आहे. तर काहीजण शासनाच्या नियमांचे उल्लंघन करून विना मास्क फिरताना दिसून येत आहे. त्याचा बंदोबस्त करण्याची मागणी नागरिकांनी केली आहे.</p><p>बोराडी गावात गेल्या आठ-दहा दिवसात 13-14 रुग्ण आढळून आले आहे. तर कोडीद येथील आश्रम शाळेतील सात विद्यार्थीनी करोना पॉझिटिव्ह आढळून आल्या आहेत.</p>.<p>त्यांना शिंगाव येथील कोवीड सेंटरला दाखल करण्यात आले आहे. मुख्याध्यापक बोरसे यांनी शाळेत फवारणी करुन योग्य ती खबरदारी घेतली जात आहे.</p><p>दुसर्या विद्यार्थ्यांची देखील तपासणी करण्यात आली आहे. त्यांची प्रकृती चांगली असल्याचे सांगण्यात आले आहे.</p>
