पोलीस अधीक्षक उतरले रस्त्यावर

पोलीस अधिक्षक चिन्मय पंडित, डीवायएसपी दिनकर पिंगळे यांच्यासह अन्य अधिकारी, कर्मचारी आज रस्त्यावर उतरले. पोलिसांनी रस्त्यावर येणार्‍यांची कसून तपासणी केली. एरवी गजबजणार्‍या रस्त्यांवर शुकशुकाट दिसून आला.

धुळेकरांनी घरात थांबून बंदला प्रतिसाद दिला. पाचकंदिल चौक, बारापत्थर, महात्मा गांधी पुतळा चौक, अग्रसेन चौक, साक्रीरोड, संतोषी माता चौक, फाशीपुल, दत्तमंदीर चौक, पारोळा रोड आदी गजबजणार्‍या चौकांमध्ये शुकशुकाट दिसून आला.

रिकामटेकड्यांवर कारवाई

शहरासह जिल्ह्यात कोरोनाची साखळी तोडण्यासाठी विकेण्ड लॉकडाऊन जाहीर केले आहे. यामुळे नागरिकांनी घरातच बसावे, असे आवाहन राज्य शासनाने केले आहे. तरी देखील काही रिकामटेकडे रस्त्यावर आले.

त्यामुळे पोलिसांनी त्यांना अडवून त्यांची चौकशी केली. चौकशीत तथ्य न आढळल्यास काहींना पोलिसांनी प्रसादही दिला. तर काहींना समज देवून घरी पाठविले. पोलीस यंत्रणा कारवाई करीत असली तरी नागरिक रस्त्यावर येतच आहेत. यामुळे पोलीस यंत्रणाही हतबल झाली आहे.

धुळ्यात आढळले नव्याने 494 करोना रुग्ण

Balvant Gaikwad

Related Stories