<p><strong>धुळे - Dhule - प्रतिनिधी :</strong></p><p>शहराजवळील चितोड ते रावेर रस्त्यावर गुरांच्या कळपातील रेड्याने दुचाकीला धडक दिल्याने खाली पडून जबर जखमी झालेल्या दीड वर्षीय बालकाचा मृत्यू झाला आहे. सोमवारी सायंकाळी ही दुर्देवी घटना घडली. </p>.<p>आर्यन उर्फ दिप आशिष मदने (रा. सप्तश्रृंगी कॉलनी, चाळीसगाव रोड, धुळे) असे मयत बालकाचे नाव आहे. नितीन वाघमोडे हा आपल्या दुचाकीने (क्र. एमएच 18-बी.3यु.1959) मामी आणि भाचा आर्यन उर्फ दिप आशिष मदने यांना घेवून चितोड येथून रावेरकडे जात होता. </p><p>त्यादरम्यान रस्त्यावरील कृष्ण मंदिर जवळ समोरुन गुरांचा कळप येत असतांना दिसल्याने नितीन याने दुचाकीचा वेग कमी केला.</p>.<p>त्याचवेळी अचानक कळपातील एक रेड्याने दुचाकीला जोरात धडक दिली. त्यामुळे सर्व जण खाली पडले. त्यात आर्यनच्या डोक्याला गंभीर दुखापत झाली.</p><p>नातेवाईकांनी त्याला जिल्हा रुग्णालयात दाखल केले असता डॉक्टरांनी तपासणी करून मृत घोषित केले. याबाबत धुळे तालुका पोलिसात अकस्मात मृत्यूची नोंद करण्यात आली आहे. घटनेमुळे हळहळ व्यक्त होत आहे.</p>
