नेवासा बु. (वार्ताहर ) – नगर-औरंगाबाद महामार्गावर नेवासा फाटा येथे पुणे येथून इलाहाबादकडे मजुरांना घेऊन जाणारी खाजगी बस उलटली.रविवारी पहाटे हा अपघात झाला असून यामध्ये तीन-चार मजूर किरकोळ जखमी झाले आहे.
शनिवारी रात्री अकरा वाजेच्या सुमारास पिंपरी चिंचवड येथून उत्तरप्रदेश राज्यातील इलाहाबाद कडे २६ मजुरांना घेऊन जाणारी खाजगी बस(क्र. एम.एच.१२ के.क्यू.४२६८नगर-औरंगाबाद महामार्गावरील नेवासा फाटा येथे महामार्गावरील दुभाजकाला आढळून उत्तर प्रदेश ला जाणारी बस पलटी झाल्याने हा अपघात झाला लॉकडाऊन व पहाटेची वेळ असल्याने वाहनांची वर्दळ कमी असल्याने मोठी दुर्घटना वाचली आहे.
अपघातात किरकोळ जखमी झालेल्या तिघांना उपचारासाठी खाजगी दवाखान्यात नेण्यात आले असून घटना स्थळी पोलीस निरीक्षक रणजित डेरे,पोलीस हेडकॉन्स्टेबल बाळकृष्ण ठोंबरे, पोलीस नाईक महेश कचे यांनी पाहणी केली आहे.
