दिल्ली – कोरोनाने जगभरासह देशातील सर्व स्तरातील लोकांना फटका बसला आहे. देशात २१ दिवस लॉकडाऊन करण्याचा निर्णय पंतप्रधान नरेंद्र मोदींनी घेतला आहे. त्यामुळे गरजवंताना जेवण व मूलभूत गरजा भागवण्यासाठी टेनिसस्टार सानिया मिर्झाने पुढाकार घेतला आहे.
कोरोनामुळे मोलमजुरी करणाऱ्या लोकांचा कठीण काळ सुरू आहे. त्यांची काळजी घेणे ही आपली जबाबदारी आहे. त्यामुळे आपल्या परीने शक्य तितकी मदत करण्याची हीच वेळ आहे, असे तिने म्हटले आहे.
