Type to search

Featured maharashtra मुख्य बातम्या सार्वमत

नगरपरिषदांमध्ये बहुसदस्यीय प्रभाग पद्धती रद्द

Share
नगरपरिषदांमध्ये बहुसदस्यीय प्रभाग पद्धती रद्द, Latest News Nagarparishad Multi Member Canceled

एक प्रभाग एक नगरसेवक

मुंबई- नगरपरिषदांमध्ये बहुसदस्यीय प्रभाग पद्धतीऐवजी एकसदस्यीय प्रभाग पद्धतीचा अवलंब करण्यासाठी अधिनियम सुधारणा अध्यादेश काढण्यास मंत्रिमंडळाच्या बैठकीत मान्यता देण्यात आली.

महाराष्ट्र नगरपरिषद, नगरपंचायती व औद्योगिक नागरी अधिनियम 1965 मधील कलम 10(2) मध्ये नगरपरिषद निवडणुकांकरिता प्रभाग पद्धती व सदस्य संख्या याबाबतच्या तरतुदी आहेत. 2017 मध्ये केलेल्या सुधारणेनुसार सद्यस्थितीत नगरपरिषद क्षेत्रात बहुसदस्यीय प्रभाग पद्धतीचा अवलंब करण्यात येतो.

या तरतुदीनुसार प्रभागात शक्य असेल तिथे 2 परंतु 3 पेक्षा अधिक नाहीत इतके परिषद सदस्य निवडून येतात. नगर परिषद क्षेत्राचा प्रभागातील विकास गतीमान करण्यासाठी एक सदस्यीय पद्धत लागू करण्याचा निर्णय घेण्यात आला आहे.

बहुसदस्यीय प्रभाग पद्धतीची केलेली तरतूद प्रस्तावित महाराष्ट्र नगरपरिषद (सुधारणा) अधिनियम 2019 च्या सुरुवातीच्या निवडणुकांपुरतीच लागू असणार आहे. सदर निर्णयाची अंमलबजावणी करण्यासाठी विधी व न्याय विभागाच्या सल्ल्यानुसार आवश्यक सुधारणांसह अध्यादेश मसुदा निश्चित करण्यात येणार आहे.

 

Tags:

You Might also Like

Leave a Comment

error: Content is protected !!