ब्रेक फेल झाल्याने पिकअप उलटली

४ जण जखमी, तोलाचापड फाटयाजवळील घटना
ब्रेक फेल झाल्याने पिकअप उलटली

तळोदा | ता.प्र./श.प्र. TALODA

धडगावहून खते व बी-बियाणे भरून तळोदाकडे येणार्‍या पिकअप जीपचे (pickup jeep) ब्रेक फेल (Brake failure) झाल्याने तोलाचापड फाट्याजवळ पलटी झाल्याची (Turned over) घटना आज दुपारी ११ वाजेच्या सुमारास घडली. या अपघातात चार जण जखमी (Four people were injured) झाले आहे. त्यांना उपचारासाठी (treatment) नंदुरबार जिल्हा रुग्णालयात (Nandurbar District Hospital) दाखल करण्यात आले आहे.

धडगाव येथून खते व बी बियाणे घेऊन गाडी महिंद्रा पीक अप जीप (क्र.एम.एस.३९ ए. डी.१३५४) तळोदाकडे निघाली होती. खडतर चांदसैली घाट उतरल्यानंतर कोठारच्या पुढे गाडीचे ब्रेक निकामी झाल्याचा संशय गाडीचालक अजय भीमसिंग पाडवी याला आला.

त्यामुळे गाडीवर नियंत्रण मिळविणे कठीण झाले. तोलाचापड फाट्याजवळील वळणावर गाडी आली असता चालकाचे तिच्यावरील नियंत्रण सुटले व गाडी वळणावर पलटी झाली. भरधाव वेगात असणारी गाडी पलटी झाल्याने ती त्या ठिकाणी असणार्‍या छोट्या पूलाच्या खाली जाऊन कोसळली.

या अपघातात चालक अजय पाडवी, सावन तड़वी (रा.मुंदलवड, ता.धडगांव),राकेश फेगा वळवी (वय २५, रा. कालिबेल, ता.धडगांव), सायली राकेश वळवी (२३), ज्योती रफेगा वळवी (२०) हे जखमी झाले आहेत. अपघातानंतर रस्त्याने जाणार्‍या प्रवाशांनी व अंबागवान फाट्याजवळ असणार्‍या नागरिकांनी जखमींना तात्काळ मदत केली.

१०८ रुग्णवाहिकेला फोन केल्यानंतर रुग्णवाहिकेचे चालक कल्पेश पावरा व डॉ.चेतन पावरा यांनी तळोदा येत प्रथमोपचार केले.पुढील उपचारासाठी त्यांना नंदुरबार जिल्हा रुग्णालयात हलवण्यात आले.

logo
Latest Marathi News, Marathi News Paper, Breaking News In Marathi, Marathi Batmya Live
www.deshdoot.com