जलतरण तलावात बुडून तरुणाचा मृत्यू

जळगाव । प्रतिनिधी jalgaon

सुट्टीचा दिवस असल्याने मित्रांसोबत पोहण्यासाठी गेलेल्या सलमान शकील बागवान (वय 24, रा.जोशीपेठ, बागवान वाडा) या तरुणाचा जलतरण तलावात बुडून मृत्यू झाल्याची घटना रविवारी सायंकाळी पाच वाजता शहरातील छत्रपती शिवाजी महाराज क्रिडा संकुलातील जलतरण तलावात घडली. या प्रकरणी जिल्हापेठ पोलीस स्टेशनमध्ये अकस्मात मृत्यूची नोंद करण्यात आली आहे.

शहरातील जोशीपेेठेतील बागवान वाड्यात सलमान बागवान फळ विक्रीचा व्यवसाय करत होता. रविवारी फळ विक्रीचा व्यवसाय बंद असल्याने तो दुपाची 4 वाजेच्या सुमारास मित्रांसोबत जलतरण तलावात पोहायला गेला होता. यठिकाणी पोहत असताना त्याला जलतरण तलावातील खोलीचा अंदाज न आल्याने त्याचा बुडून मृत्यू झाला. सलमान बुडत असल्याचे काही मित्रांच्या लक्षात आले. जलतरण तलावातील सुरक्षा रक्षकांना बोलावून, सलमानला तातडीने जिल्हा रुग्णालयात दाखल करण्यात आले. मात्र, त्याठिकाणी डॉक्टरांनी सलमानला मृत घोषीत केले. जिल्हा रुग्णालयात जोशी पेठ व बागवान वाड्यातील सलमानच्या नातेवाईक व मित्रांनी मोठी गर्दी केली होती. त्याच्या पश्चात आई, वडील, मोठा भाऊ, तीन बहिणी असा परिवार आहे.

प्रशिक्षकांच्या दुर्लक्षामुळे मृत्यू

जलतरण तलावात पोहण्यासाठी येणार्‍यांकडे प्रशिक्षकांनी व्यवस्थित लक्ष दिले पाहिजे. तसेच जलतरण तलावाच्या ठिकाणावरील बचाव कर्मचारी, सुरक्षा रक्षक मोबाईलमध्ये व्यस्त होते, असा आरोप नातेवाईकांनी केला. तसेच प्रशिक्षकांच्या दुर्लक्षामुळेच हा मृत्यू झाल्याचा आरोप ही ना