कामावरुन घरी येताच दिसला लहान भावाचा मृतदेह

जळगाव jalgaon । प्रतिनिधी

आई धुणीभांडीच्या करण्यासाठी तर मोठा भाऊ हातमजूरीसाठी गेला होता. घरात कोणीच नसल्याने घराचा दरवाजा आतून बंद करीत समता नगरातील विशाल हिरालाल सोनवणे (वय-19, रा. शिवमंदीर) या तरूणाने (young man) राहत्या घरात गळफास (hanging) घेवून आत्महत्या (suicide) केल्याची घटना रविवारी 19 मार्च रोजी दुपारी 3 वाजेच्या सुमारास उघडकीस आली. याप्रकरणी रामानंदनगर पोलीस ठाण्यात अकस्मात मृत्यूची नोंद करण्यात आली आहे.

याबाबत पोलिसांकडून मिळालेली माहिती अशी की, शहरातील समता नगरात विशाल सोनवणे हा तरूण आपल्या आई, आजी व मोठा भाऊ गौतम यांच्यासोबत वास्तव्याला होता. मजूरीचे काम करून आपला उदरनिर्वाह करीत होता. त्याची आई धुणी भांडी करण्यासाठी तर मोठा भाऊ हा हातमजूरीसाठी गेला होता. त्यामुळे विशाल हा घरीच एकटाच होता. घरात कोणीच नसल्याने विशालने घराचा दरवाजा आतून बंद करीत दोरीच्या सहाय्याने गळफास घेवून आपली जीवनयात्रा संपविली.

त्याचा भाऊ कामावरुन घरी आल्यानंतर त्याला घराचा दरवाजा आतून बंद असल्याचे समजले. त्यानी शेजारच्या मदतीने दरवाजा तोडून घरात प्रवेश करताच त्याला विशाल गळफास घेतलेल्या अवस्थेत दिसून आला. मयताच्या पश्चात आई, भाऊ गौतम, आजी व बाबा असा परिवार आहे.

आत्महत्येचे कारण अस्पष्ट

लहान भावाचा मृतदेह पाहून गौतमसह नातेवाईकांनी एकच आक्रोश केला होता. आत्महत्या करण्याचे कारण समजू शकले नाही. रामानंदनगर पोलीस कर्मचार्‍यांना घटनेची माहिती दिल्यानंतर त्यांनी घटनास्थळी धाव घेतली. मृतदेह जिल्हा शासकीय वैदृयकीय महाविद्यालयात नेण्यात आला. याबाबत रामानंदनगर पोलीस ठाण्यात अकस्मात मृत्यूची नोंद करण्यात आली आहे.