घराजवळील झाडाला गळफास घेवून संपविली जीवनयात्रा

जळगाव jalgaon। प्रतिनिधी

घराजवळील झाडाला (tree) दोरीच्या सहाय्याने (hanging) गळफास घेवून विठ्ठल किसन गजभार (वय-55, रा. दौलत नगर) यांनी गळफास घेवून आत्महत्या (suicide) केल्याची घटना सोमवारी सकाळी 9.30 वाजेच्या सुमारास उघडकीस आली. वडीलांचा शोध घेत असतांना मुलीला झाडाला लटकेला मृतदेह बघताच तीने मनहेलावणारा आक्रोश केला. त्यांच्या आत्महत्येचे कारण अद्याप अस्पष्ट असून याप्रकरणी एमआयडीसी पोलिसात अकस्मात मृत्यूची नोंद करण्यात आली आहे.

शहरातील दौलत नगरात विठ्ठल गजभार हे पत्नी, मुलगा व दोन मुलींसह दौलत नगर येथे वास्तव्यास होते. हातमजुरी करून कुटूंबाचा ते उदरनिर्वाह करत होते. परंतु गेल्या काही दिवसांपासून विठ्ठल गजभार हे घरी होते. सोमवारी पहाटे घरातून बाहेर निघाले आणि त्यांनी घराशेजारी असलेल्या मोकळ्या जागेतील झाडाला गळफास घेवून आपली जीवनयात्रा संपविली. गजभार हे घरात दिसत नसल्याने त्यांच्या कुटुंबियांनी त्यांचा शोध घेण्यास सुरुवात केली, परंतु ते मिळून आले नाही.

वडीलांचा मृतदेह बघताच मुलीचा आक्रोश

वडीलांचा शोध घेवून देखील ते मिळून येत नसल्याने त्यांची लहान मुलगी त्यांच्या घराशेजारी उभी होती. याचवेळी तिला मोकळ्या जागेतील एका झाडाला तिच्या वडीलांचा मृतदेह गळफास घेतलेल्या अवस्थेत दिसून आला. वडीलांचा मृतदेह बघताच तीने मनहेलावणारा आक्रोश केला.

पोलिसांसह कुटुबियांची घटनास्थळी धाव

मुलीने ही घटना कुटुंबियांना सांगताच त्यांच्यासह एमआयडीसी पोलिसांनी घटनास्थळी धाव घेतली. त्यानंतर पंचनामा करुन मृतदेह नागरिकांच्या मदतीने जिल्हा रूग्णालयात हलविण्यात आला. वैद्यकीय अधिका-यांनी तपासणीअंती विठ्ठल गजभारे यांना मृत घोषित केले. याप्रकरणी एमआयडीसी पोलिसात अकस्मात मृत्यूची नोंद करण्यात आली आहे.