सतरा वर्षीय तरुणीची गळफास घेवून आत्महत्या

जळगाव jalgaon। प्रतिनिधी

घरात कोणीही नसतांना सतरा वर्षीय पुजा सुधाकर वनडोळे (बारी) रा. शिरसोली या तरुणीने (young woman) राहत्या घरात (house) गळफास (hanging) घेवून आत्महत्या (suicide) केल्याची घटना शनिवारी दुपारी अडीच वाजेच्या सुमारास उघडकीस आली. तरुणीच्या आत्महत्येचे कारण अस्पष्ट असून याप्रकरणी एमआयडीसी पोलीस ठाण्यात अकस्मात मृत्यूची नोंद करण्यात आली आहे.

जळगाव तालुक्यातील शिरसोली येथे पुजा वनडोळे ही तरुणी आपल्या कुटुंबियांसह वास्तव्यास आहे. तरुणीचा भाऊ आणि आई कंपनीत कामाला गेले होते तर आजी शेतात गेली होती. त्यामुळे पुजा ही घरी एकटीच होती. याचवेळी पुजाने राहत्या घरात साडीने गळफास घेवून आपली जीवनयात्रा संपविली.

पुजाची आजी शेतातून घरी आल्या असता, त्यांना घराचा दरवाजा आतून बंद असल्याचे समजले. त्यांनी दरवाजा उघडताच त्यांना पुजा ही गळफास घेतलेल्या अवस्थेत दिसली. नातीचा मृतदेह बघताच आजीने मनहेलावणारा आक्रोश केला. यावेळी परिसरातील नागरिकांनी तात्कळ घटनास्थळी धाव घेत पुजाचा मृतदेह खाली उतरवून जिल्हा वैद्यकीय रुग्णालयात दाखल केला. याठिकाणी वैद्यकीय अधिकार्‍यांनी तपासणी करीत मयत घोषीत केले. याप्रकरणी एमआयडीसी पोलिसात अकस्मात मृत्यूची नोंद करण्यात आली आहे.

आत्महत्येचे कारण अस्पष्ट

घटनेची माहिती मिळताच एमआयडीसी पोलिस ठाण्याच्या कर्मचार्‍यांनी घटनास्थळी धाव घेतली. तरुणीच्या आत्महत्येचे कारण समजू शकले नाही. तरुणीच्या पश्चात आई, भाऊ व आजी असा परिवार आहे.