लग्नाच्या घरातून लांबविले तीन लाखांचे दागिने

जळगाव jalgaon । प्रतिनिधी

लग्नाच्या घरातून (marriage house) नवरदेवासह त्याची आई व बहिणीचे असे एकूण तीन लाख रुपये किंमतीचे दागिने (Jewels) लांबविल्याची (stolen) घटना आदर्शनगरातील श्रीश्री लॉन्स येथे घडली. याप्रकरणी रामानंद नगर पोलीस ठाण्यात गुन्हा दाखल करण्यात आला आहे.

शहरातील आदर्श नगरातील श्रीश्री लॉन्स येथे पुनित वासुदेव मोतीरामाणी हे वास्तव्यास असून ते होजीअरी कपड्यांचे विक्रेता आहे. दि. 7 रोजी त्यांचे लग्न असल्याने ते दि. 5 रोजी पासून कोल्हे हिल्स येथील गोल्डन पिकॉक रिसॉर्ट येथे मुक्कामी होते. दि. 8 रोजी सकाळी 8.30 वाजेच्या सुमारास त्यांनी रिसॉर्ट येथील रुममध्ये त्यांची आई कविता मोतीरामाणी यांनी त्यांचा सामान एका बॅगमध्ये भरला.

त्यानंतर त्यांच्या अंगावरील सोन्याचे दागिने तसेच नवरदेव आणि त्याची बहिणीजवळील सर्व दागिने त्यांनी एका प्लॅस्टीकचा लॉक असलेल्या कॅरीबॅगमध्ये ठेवले. त्यानंतर ती कॅरीबॅग त्यांच्या आईच्या हॅण्डपर्समध्ये ठेवली आणि संपुर्ण सामान एका रुममध्ये ठेवून ते जेवणासाठी निघून गेले. दुपारी मोतीरामानी हे घरी पोहचल्यानंतर त्यांनी संपुर्ण सामान घरात ठेवला आणि कविता मोतीरामानी यांनी दागिने असलेली पर्स ही बेडरुममध्ये असलेल्या टेबलावर ठेवली.

चोरी झाल्याचे कळताच पोलिसात धाव

संपुर्ण घरात दागिन्यांचा शोध घेवूनही दागिने दिसून येत नसल्याने त्यांनी नातेवाईकांकडे दागिन्यांबाबत विचारपूस केली. मात्र त्यांच्याकडे देखील दागिने नसल्याचे कळताच त्यांना कोणतरी त्यांचे दागिने लांबविल्याचे समजले. त्यांनी लागलीच रामानंद नगर पोलीस ठाण्यात धाव घेत तक्रार दिली. त्यानुसार अज्ञात चोरट्याविरुद्ध गुन्हा दाखल करण्यात आला आहे. पुढील तपास पोलीस उपनिरीक्षक गोपाल देशमुख हे करीत आहे.

हॅण्डपर्समधून लांबविले दागिने

पुनित मोतीरामाणी यांच्या पत्नीचा गृहप्रवेशाचा कार्यक्रम पार पडल्यानंतर त्यांनी आराम केला. सायंकाळच्या सुमारास त्यांनी दागिने ठेवलेली पर्स उघडली असता, त्यांना त्यामध्ये ठेवलेली प्लॅस्टिकचा लॉक असलेली कॅरीबॅग व दागिने दिसून आले नाही. त्यांनी लग्नाठिकाणाहून आणलेल्या संपुर्ण सामानात दागिन्यांचा शोध घेतला मात्र तरी देखील त्यांना मिळून आले नाही.

असा लांबविला मुद्देमाल

चोरट्यांनी 12 हजारांची 6 गॅ्रम, 8 हजारांची 4 ग्रॅम, 18 हजारांची 9 ग्रॅम, 8 हजारांची 4 ग्रॅम, 8 हजारांची 4 ग्रॅम वजनाची अंगठी 70 हजारांचा 38 ग्रॅम वजनाचा आर्टिफिशिअल डायमंड असलेला नेकलेस, 95 हजारांचा सोन्याचा 52 ग्रॅमचा नेकलेस, 52 हजारांचे सोन्याचे 26 ग्रॅमचे मंगळसूत्र, 16 हजारांचे 8 ग्रॅम वजनाची चैन व 20 हजारांचे 10 ग्रॅम वजनाची सोन्याची चैन असा एकूण 3 लाख 7 हजारांचा ऐवज चोरट्याने लांबविला.