जुन्या भांडणाच्या कारणावरुन पिंप्राळा हुडकोत दोघांना मारहाण

रामानंदनगर पोलिसात गुन्हा दाखल
जुन्या भांडणाच्या कारणावरुन पिंप्राळा हुडकोत दोघांना मारहाण

जळगाव - jalgaon

शहरातील पिंप्राळा हुडको येथे जुन्या भांडणातून अंकुश धनराज साळवे वय ४० यांच्यासह त्याच्या मुलाला दोन जणांनी दगडासह फरशीने मारहाण करुन दुखापत केल्याची घटना रविवारी रात्री ८ वाजेच्या सुमारास घडली. याप्रकरणी मारहाण करणार्‍यांवर रामानंदनगर पोलिसात (police) गुन्हा दाखल झाला आहे.

जळगाव तालुक्यातील आसोदा येथील मूळ रहिवासी अंकुश धनराज साळवे हे सद्यस्थितीत सुरत येथील उधना येथे वास्तव्यास आहेत. रविवारी ते त्यांचा मुलगा विक्कीसह यांच्यासह पिंप्राळा हुडको येथील सिध्दार्थ नगरात आले होते. यावेळी जुन्या भांडणाच्या कारणावरुन राजेेंद्र दिलीप शिरसाठ रा. मुसळी ता. धरणगाव व राहूल युवराज सोनवणे रा. सिध्दार्थ नगर, जळगाव या दोघांनी अंकुश साळवे यांच्यासह मुलगा विक्की यास शिवीगाळ करत चापटा बुक्क्यांनी मारहाण केली. यादरम्यान फरशी व दगडाने अंकुश साळवे यांच्यासह मुलगा विक्कीच्या डोक्यात मारहाण करुन दुखापत केली. यात दोन्हीही जखमी झाले आहेत. याप्रकरणी सोमवारी अंकुश साळवे यांनी दिलेल्या तक्रारीवरुन राजेेंद्र दिलीप शिरसाठ व राहूल युवराज सोनवणे या दोघांविरोधात रामानंदनगर पोलिसात गुन्हा दाखल करण्यात आला आहे. पुढील तपास पोलीस नाईक ज्ञानेश्‍वर पाटील हे करीत आहेत.

Related Stories

No stories found.
Latest Marathi News, Marathi News Paper, Breaking News In Marathi, Marathi Batmya Live
www.deshdoot.com