अन् फुले मार्केटमध्ये काढली गुन्हेगारांची धिंड

जळगाव jalgaon । प्रतिनिधी

शहरातील फुले मार्केट (Phule market) परिसरात हॉकर्स आणि व्यापार्‍यांचा वाद गुरूवारी झाला होता. यात एका व्यापार्‍याला दोन जणांनी धमकावले होते. याप्रकरणी सेंट्रल फुले व फुले मार्केटमधील व्यापारी असोसिएशने दुकाने बंद ठेवत आंदोलन पुकारले होते. याप्रकरणातील धमकावणार्‍या दोघांवर (criminal) शहर पोलिसांनी कारवाई करत त्यांची शुक्रवारी सकाळी 10 वाजता फुले मार्केटमधून पायी धिंड (dhind) काढली.

मिळालेल्या माहितीनुसार महात्मा फुले मार्केटमध्ये गुरुवारी सकाळी 10 वाजेच्या सुमारास एक व्यापारी त्याचे दुकान उघडत असतांना चाकू दाखवत दमदाटी व धमकावल्याची घटना घडली होती. या मुळे मार्केटमधील व्यापारी संतप्त होत मार्केट बंद करून पोलीस प्रशासन, महापालिका, जिल्हाधिकारी कार्यालयात आंदोलन करून निवेदन दिले होते. परंतू दमदाटी व धमकावण्यासंदर्भात शहर पोलीस ठाण्यात कोणतीच तक्रार आलेली नव्हते.

शहर पोलिसांचा दणका..

फुले मार्केट मधील व्यापार्‍यांना धमकवीणार्‍या कोणीच तक्रार दिली नव्हती. शहर पोलीस ठाण्याचे पोलीस निरीक्षक विजय ठाकूरवाड, पोलीस उपनिरीक्षक दत्तात्रय पोटे यांनी या प्रकरणी धमकावणार्‍यांचा शोध घेण्यासाठी पथक नेमले होते. पथकातील पोलीस कर्मचार्‍यांनी मनीष अरुण इंगळे (वय-18 रा.वाल्मिक नगर) गणेश उर्फ डेब्या दिलीप सोनवणे (वय-20 रा.वाल्मिक नगर,) यांच्यावर प्रतिबंधात्मक कारवाई करून फुले मार्केट परिसरातून धिंड काढली होती.