धुळे - प्रतिनिधी dhule
गुगीकारक औषधांचा (medicine) साठा करणार्या एकाला आझादनगर पोलिसांनी (police) रंगेहात पकडले. त्याच्याकडून 47 हजारांचा साठा जप्त करण्यात आला.
शहरातील हमाल मापाडी सोसायटीत काल सायंकाळी ही छापा कारवाई करण्यात आली. नितीन पुंडलीक मुकूंदे (रा. हमाल मापाडी प्लॉट, धुळे) असे त्याचे नाव आहे. त्याने राहत्या घरात मानवी मेंदूवर विपरीत परिणाम करणारे गुंगीकारक औषधांचा साठा करून त्यांची बेकायदेशीर विक्री करीत असल्याची गुप्त माहिती आझादनगर पोलिसांना मिळाली होती.
त्यानुसार पथकाने सायंकाळी साडेसात वाजेच्या सुमारास छापा टाकला. घराची झडती घेतली असता 47 हजार 300 रुपये किंमतीच्या रेक्सॉन टी सिरपच्या 440 औषधाच्या बाटल्या मिळून आल्या.
पोकॉ सिध्दांत मोरे यांच्या फिर्यादीवरुन आझादनगर पोलिसात नितीन मुकूंदेविरोधात एनडीपीस अॅक्ट कलम 20 व 22 सह भांदवि कलम 328 प्रमाणे गुन्हा दाखल झाला आहे. ही कारवाई पोलीस अधिक्षक संजय बारकुंड, अपर पोलीस अधिक्षक किशोर काळे, सहा पोलीस अधिक्षक एस. ऋषिकेश रेड्डी यांच्या मार्गदर्शनाखाली आझाद नगर पोलिस ठाण्याचे पोलिस निरीक्षक प्रमोद पाटील, सपोनि दीपक पावरा, हेकाँ प्रकाश माळी, पोना संदिप कढरे, योगेश शिंदे, पोकॉ शोहेब बेग, आतिक शेख, एस.एन.मोरे, एस.पी. शेंडे, हरीष गोरे, संतोष घुगे व समाधान पाटील यांच्या पथकाने केली आहे. पुढील तपास पोलिस निरीक्षक प्रमोद पाटील हे करीत आहेत.